ياولاد الحلاااااال الفصل السادس وصل أخيراً

2012-03-23, 8:26 am

الصف الثالث الاعدادى
الـفـصـل السادس
مـقدمـة إلى الأدوات
( controls)

أظن كلنا خلاص عرفنا الصورة دى بتيجى منين ....( واللي ناسي يرجع للفصل الخامس الصفحة الثانية )
أنا جايباها هنا عشان أوريلكم حاجة ، شايفين الأرقام من (1 إلى 4) دى عدد
الأدوات اللي هنستخدمها في كتابة برامج ( V.B ) تعالوا نشوف الفرق بينهم
الأول وبعدين ناخد كل واحد على جنب عشان يحكي لنا عن نفسه بالتفصيل
!!!!!!!!!!!!!!!!!!!!!!!!!!!!!!!!!!!!!!
1- Label : اسمها أداة المبين : اللي بتوضح للمستخدم
شئ لكن ما يقدرش يغير فيها حاجة زى كلمة Name انت ممكن تغيرها؟؟؟ طبعاً
ولا تقدر تيجى جنبها بس وضحت لنا إننا في المستطيل اللي جنبها واللي هنعرف
اسمه حالاً هندخل الاسم أو Name .

2- TextBox : أداة مربع النص : دى بقى اللي المستخدم يدخل فيها اللي عايزه ولولا Label اللي جنبها ما كنا هنعرف ندخل فيها إيه صح؟؟؟

3- Button :أداة الزر : دى اللي لما نضغط عليها تروح
عاملة شيء معين كان متحدد لها من الأول والمبرمج حطه فيها وقال لها لما
المستخدم يضغط عليكِ اعمل كذا ، يعنى هنا نضغط على زر OK إيه اللي هيحصل
هيغلق الشاشة دى ويروح للخطوة اللي بعدها فالمبرمج هنا قال له أول ما
المستخدم يضغط عليك اقفل على طول وهنشوف كمان شوية ازاى المبرمج بيقول له
الكلام دا أما بيقوله فين ففي نافذة الكود Code Window.

4- Form: النموذج : شايفين المربع الكبير دا اللي جواه كل حاجة ومحطوط فيها كل اللي عايزينه هو دا النموذج
وإحنا أول ما بنفتح المشروع بنلاقيه موجود .

حمل من المرفقات

انتهى منهج التيرم الأول و أتمنى أن أكون قد وفقت فى محاولتى البسيطة هذه لفهم ( V.B )
مع أرق تمنياتى لكم جميعاً
بالتوفيق والتفوق والتميز
ويارب ما تكسفونى وتنجحوا كلكم

</blockquote>